الرئيسيةس .و .جبحـثالأعضاءالمجموعاتالتسجيلدخول

شاطر | 
 

 لو عايزة توقعى عريس ادخلى ومش هتندمى....؟؟؟؟

اذهب الى الأسفل 
كاتب الموضوعرسالة
king
Admin
avatar

المساهمات : 80
تاريخ التسجيل : 25/07/2008
العمر : 30

مُساهمةموضوع: لو عايزة توقعى عريس ادخلى ومش هتندمى....؟؟؟؟   الإثنين يوليو 28, 2008 12:03 am

من السهل جدا يكون للبنت اصحاب ولاد "زمايل من الشغل او الدراسه او النادى او العيله" ....لكن من الصعب جدا انها تلاقي عريس جاد منهم.... يرفع الرايه البيضه و يعلن الاستسلام التام و هو رايح يعد مع اهلها شايل معاه علبه الشيكولاته و سالف بدله صاحبه و واخد في ايده اليمين والده و في ايدة الشمال الc.v بتاعه ... الموضوع صعب اوى....لكن مش مستحيل ....فتحول الصاحب الي عريس .... ممكن...لكن المهم الخطه .


1- التعود و الcut
تعتمد هذه الخطه علي ان البنت تلزق للولد....تطلعله من الحنفيه....تخليه يسمع صوتها قبل النوم و بعده ...تليفونات و حركات و استماع مستمر لمشاكله....و بعد ما يتحول لمدمن....تعمل Cut...تخليه يدور عليها في كل مكان...و بعد ما يفقد الامل تظهر فجأه بجمله "اصلي بصراحه مش عارفه نهايه الاحنا فيه دا ايه" يقع المعلم " انا مستعد اتقدملك"...هى تستغل الفرصه و تقول "خلاص انا هكلم ماما".

2- التقل سر الصنعه
اذا كان الولد من النوع اللي يعرف بنات كتير فالتقل هو الخطه الانسب تعتمد في الاساس علي المراوغه و الطناش....يعنى ييجي يتعرف عليها تسيبه و تمشي...يحاول يكلمها تديله الطرشه...و اول ما تحس انه هيزهق منها...تبتسمله و بعدها تكمل الطناش لحد ما ييجي رسم عليها باعلانه عن احساسه بيها و رغبته في الارتباط بس الظروف وحشه معاه...الوقت هنا سانح للقبض عليه بجمله "بابا ممكن يقدر الظروف دى...اصل انا و هو اصحاب اوى...انا هحدد لك معاد معاه".

3- ماما سألتنى عليك :9:

لما متلاقثش في الصاحب عدل ابعتيه لماما...المهم انك تقوليله ان "انا و ماما اصحاب" و توصليلو معلومه انك دايما بتحكيلها كل حاجه و تيجى في مرة تقوليله و هو بيكلمك في التليفون "استنى ماما عايزة تسلم عليك"...و تسليملها السماعه بسرعه و لان ماما هتدعيله في المكالمه بان "ربنا يوفقك يابني"...بعدها بكام يوم و كانك بتهزري "تصور ماما امبارح سألتنى امتى هاتيجى البيت" و تكرريها مرة تانيه بجد لحد ما تحددو معاد للتدبيسه قصدى للعزومه الاولى.

4- الصديق الوفي:30:

الصاحبه ليها عند صاحبتها ايه غير عريس ده افضل خدمه ممكن تقدمها لها و تقف جنبها فيها يعنى اول ما تنشني علي الزبون و تتعرفي عليه ابعتيله صاحبتك علي انها ترشحك ليه كعروسه هايله و بنت لقطه لو خسرك مش هيلاقي زيك تانى طبعا و انتى ماتعرفيش حاجه لحد مايفاجئك بالموضوع ده و يبقي الصاحب هو الشاهد علي العلاقه و الدافع لدخول الزبون يووووووووووة العريس البيت.


5- جانى عريس

لو كان العريس من النوع البارد شويه حاولي تسخنيه و تحصلى في الاول علي اعتراف منه بحبه ليكى بعد الحصول...كل يومين قوليلو "تصور ماما كانت جيبالي عريس امبارح بس انا رفضت" و هكذا... لحد ماتيجى مرة تقوليلو "انا هكلمك بصراحه يا عمرو...انا كل الحجج قولتها للعرسان و ماما بتغط عليا عشان اوافق و انت مش بتتحرك قولى حتى انك جاى و انا هتصرف معاهم" و اول ما قول احدفيه لماما علي طول و هي هتتصرف.
:1:


واى خدمه يابنات بس ابقو ادعولى
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://maziktk.yoo7.com
 
لو عايزة توقعى عريس ادخلى ومش هتندمى....؟؟؟؟
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شبكة مزيكتك :: * المـنـتـديـــات العـامـــه * :: نــكـــت و فـــوازيــــر-
انتقل الى: